關鍵字：回頭路 ＜一種沒有在預算當中的消耗⋯⋯＞

上年跟一班「以諾人」去過破邊州，因為美景所以想再去。去完浪茄灣，心想走一段難行路再折返麥徑2段，點知原來要兜一大個圈（可能要行多兩小時）才能回到西灣山。所以無奈地決定走回頭路。

人生中，有時是因為嚮往過去而走回頭路，希望再次有美好的經歷。不過，有些時候是無奈地走回頭路。昨天的折返，比預期多用了個半小時，一點幾後烈日當空走著。消耗了不少體力和唔敢飲水（明顯係唔夠）。令之後無限石級上西灣山更加辛苦。

生命中的折返，有時可以話係一種消耗，一種沒有在預算當中的消耗。失去預算，又失去你原有所保持的實力，傷了元氣。這些事經常發生，咁又點樣去回應呢？今次一個人走，去到西灣山頂涼亭，坐下休息了一段時間。重新分配之後旅程所需的水量和體力，重新調校喪失了的時間後如何在日落前去到北潭坳（雖然最後都係日落之後才到）。但重新起行的感覺是充滿動力的。去到最後1.5小時真係有點累，索性開機聽歌，一邊行一邊大聲讚美主，堅爽呀。

人生少不免要走回頭路，如何重整自己、重新調教焦點和步伐、帶著動力同埋好爽嘅感覺前行，係最正嘅地方！

撰文／廸（千里之行）