信仰一家人

證道搜尋




關鍵字:追逐與捨棄
< 生活中仔細的計算其實在追逐什麼⋯⋯
>

預計25公里的路程,在炎熱的早上起程。由屋企開始行到蘇屋邨後山的斜坡。上鷹巢山和畢架山那段路真係好熱,有點回唔到氣嘅情況。正午時段行過了畢架山去到獅子山應該已經過咗最難行嘅一段。落到慈雲山獅子亭的士多立刻飲番罐可樂,再行一段漫長嘅上斜馬路。行左五個幾鐘體能
消耗不少,但這段預咗硬曬嘅路段竟然全程有雲。已經差唔多四點,正在盤算究竟能否完成目標。


去到飛鵝山都係決定行馬路而放棄象山,行到落井欄樹想衝去五桂山睇日落而放棄行小夏威夷徑,但咁樣去馬油塘原來長好多。最後都係睇唔到日落,所以放棄上山直產落將軍澳。原本去到飛鵝山頂得返兩成體力,不過最終捱過了。結果全程行咗九個半鐘。

關鍵字:追逐與捨棄
要完成這段路真係與時間競,但開頭的四五個鐘一直諗住一個字:「追」,今次一反常態為每一個站設定時間,所以一直都在計算。行程中在想,生活中仔細的計算其實在追逐什麼呢?這些追逐與自己的性格雖然有點不符,但在學習中每每能給予自己短期目標。

行上飛鵝山的一段是疲累的,同時又擔心敬天的體能。心裡很想挑戰象山,因為上年已經放棄左一次。去到觀景台望住象山發射塔,今次很快作出決定:放棄剌激而選擇完成終極目標。因為上象山再落井欄樹可能要行多一個鐘先至去到將軍澳。

第七型性格的我,經常追求自由和刺激而忘記目標。結果一係完成唔到,一係就再刺激後困難重重才能完成。這正是過去三個月寫論文的狀態,所以往後的四個月真係要先專心完成目標。

上飛鵝山那段馬路在困倦中我們互相勉勵,大叫堅持。捱過了之後就能夠暢順繼續前行。心裡開心,因為兩父子在行程中的鼓勵,雖然簡單,但是深刻。

撰文/廸(千里